قسوة زمنا

قسوة زمنا في كلامنا ....
حتي الحكاوي احزانا ..
حتي اللي راحوا وسبونا ...
ولا سئلوا عنا ولا ودعونا ...
قسوة زمنا في كلامنا ...
حتي واحنا في وطنا .....
حاسين بغربة احلامنا ...
لكبير بيقدر يفهمنا ...
ولا شايف ايه اللي الامنا ...
قسوة زمنا في كلامنا .....
الغدر كان نصيبنا ...
وكل واحد حسيبنا ..
وما سبيشي غير ذكري تعذبنا ...
قسوة زمنا في كلامنا .......
بنحس انحنا في الجنة .......
لما اللمة تجمعنا ......
والحب يكون هو المعني .......
حتي لو كنا اتخدعنا ....
قسوة زمنا في كلامنا ....

خالة وطنية

وقفة احتجاجية ...تطهير داخلية ..
زيادة الاجور بصفة دورية .....
وطابور العيش بصفة يومية ....
والتعليم كمان محتاج تغطية ...
واقفة احتجاجية ........
انبوبة غاز محتاجة حروف ابجدية ..
وتفضل واقف زي ماتكون في الجهادية ...
لحد ماينادوا اسمك وتاخد كوبون ترضية ...
واقفة احتجاجية ......
الكل عايش في صدمة قوية ...
والتغيير بقي سلبية ..........
والحقوق محتاجة قضية ..
وايه الجديد ماهي من زمان منسية ...
وقفة احتجاجية .....
كل يوم ازمة ....
والفقير عايش بلا لازمة ...
شايف كل حاجة متقاسمة ...
وكرامته دايما علي الجزمة ....
واقفة احتجاجية ...
بنزين مفيش ....
وبتوع النقل لابسين طرابيش ...
وعايزين الاجرة ومعاها بقشيش ..
والشكوة تكون لك ياشويش ...
هتجيب حقي ولا برده مفيش .......
وقفة احتجاجية...فيلم الموسم ياخالة وطنية ...

في الظل

في الظل اختفي ......وشريكي يعتلي ..
قمة قلوب الناس ويحقق غايته ...
فأنا ضميره المستتر ......
وهمزة الوصل بين بكائه وابتسامته .....
فأنا غريقة في بحور سعادته ....
وابحث عن اراحته ..........
ولكني في الظل اختفي ....
وبنظرة رضا اكتفي ..
ودائما بيه احتفي ...
وبعهدي له أفي ...
ولكني في الظل اختفي ......

خالتي ستوتة

شايفين الدنيا حدوتة ملتوتة ..
والضحكة معانا مشروطة ..
وانكتب علي ورقة توتة ...
احلامنا هتبقي مربوطة ..
ومحتاجين خالتي ستوتة ..
تتكلم بطبيعتها المعهودة ..
وتضحك وتقول ياكتكوتة ..
ليه مش كاتبة علي نوتة .....
كل اللي يفوتك فوته ......
من غير ماتنادي علي القوتة .
وغيرك يسبق بالشوطة ...
ومحتاجين خالتي ستوتة ..
وفي رجلينا حذاء فطوطة ..
ومن غير رباط مظبوطة ..
وماسك علي طول فوطة ..
يمسح عرقة من كل حاجة مكبوتة ...
ومحتاجين خالتي ستوتة ...

كدب حصري

اعلامنا المصري في الكدب حصري ..
بتسأل ليه عن فصلي واصلي ...
وانت شغال نفاق عصري .......
بطتلع علي الشاشة بكل بشاشة ..
تقول اخبار تزيد كسري ......
واعلامنا المصري في الكدب حصري ..
دايما بياخد دروس نظري ......
وماتعلمش الخطاوي العملي ....
علي طول محتاج بث علني .......
واعلامنا المصري في الكدب حصري ....
الحقيقة دايما مقلوبة ......
مستني يفوق من الغيبوبة ..
وتحت السطور خطوط مشطوبة ..
ودايما سهلة عنده العقوبة ..
واعلامنا المصري في الكدب حصري ..
محتاج اجازة تلميذ في الدراسة ..
اصله لسة يادوب في الحداثة ...
وبيتعلم لسة في الكراسة .....
واعلامنا المصري في الكدب حصري .......

قهوة سادة

كل مدي بتزيد زيادة والدنيا بقت قهوة سادة ......
فيها الغني بيدور علي معني لحياته .....
وفيها الفقير بيدور علي السعادة ...
وفيها الصراحة بقت وقاحة ...وفيها الخيانة بفت مباحة ..
وفيها الحنية بقت اسية...........ولحد بيطبطب علية .
وفيها اللي ماشي طريق لوحده ولحد عارف ايه قصده .....
وفيها اللي معاها فلوس كتيرة ولحد عارف ايه الوسيلة ..
وفيها الضمير تحت البطانية والمال هو اثبات هوية........
وفيها اللي تايه في طريقه ......وصديقه هو غريقه .......
وفيها وفيها لحد ماتخاف تكون فيها ...........
وكل مدي بتزيد زيادة والدنيا بقت قهوة سادة ...

شريد البال

ساعات بسأل نفسي سؤال ..
انا ليه شريد البال .....
مع اني ممكن اكون في احسن حال ..
وغيري دايما عنده ميت موال .......
وساعات بسأل نفسي سؤال .......
انت ليه معقدها ...
ما هي عال العال .....
سيبها علي الله وافتح قلبك للقاه .....
وساعات بسأل نفسي سؤال .....
ليه بتشتكي لغيرك .مع انه زيك وانت وضميرك ..
ياعم قرب كتر خيرك .......
وجرب تقول يارب هجيلك....
وساعات بسأل نفسي سؤال ......
غير نغمة حالي مش حال ..
وفكر في اللي عندك من غيراحلال ..
در ربك متوكل بلأقدار ...
وفي ايده ييسر لك الاحوال ...
من غير ما تسأل تاني سؤال ..
مفيش حاجة هتبقي محال ...
طول ماثقتك في ربك كبيرة ..
عمرك ماتسهر كل ليلة ....
والدمعة في عنيك مخنوقة وعايزة الف وسيلة ...
وساعات بسأل نفسي سؤال..........

شهادة رسوب

جالي اكتئاب من الانتخاب ..
مجلس الشعب طلع هباب ..
واختيار الرئيس عذاب ...
وكل حاجة بقت ضباب ..
خايفة كمان امضي غياب...
جالي اكتئاب من الانتخاب ..
فتحت لكل واحد دفتر حساب ..
وقولت اما دور علي الاسباب ..
اتاريهم داخلين اكتتاب ..
ومصالح تعملها دولاب .....
جالي اكتئاب من الانتخاب ...
كل واحد عمال يسألني ...
مين رئيسي اللي مستني يبهدلني ..
زي غيره مااقعد وظلمني ....
وخلي الدموع تنزل مني .........
جالي اكتئاب من الانتخاب ....
كل يوم سؤال علي الباب ..
والجواب داخل فصول الكتاب ..
شكلي عايز رئيس انتداب ..
جالي اكتئاب من الانتخاب ..
خايفة تبقي شهادة رسوب ..
علشان حلينا بالمقلوب ..
بس مين عارف المكتوب ..
والانتظار قرب يدوب ..
جالي اكتئاب من الانتخاب ...

شرفة الأحزان

من وراء شرفة الاحزان ..
تقف الطفلة حنان تحلم ببسمتها تعانق الزمان ...
تحلم ان تجمع كل زهور البستان ....
ولكن كان يخبيء لها القدر مزيد من الحرمان ..
فكانت دموها سجينة عالم النسيان ....
وعندما تنظر اليها تجدها مثل نسمة الرحمن ..
لا نعلم مابها غير انها ليست سعيدة في هذا المكان ..
تظل وراء الشرفة تتهامس لحظات الوجدان ........
فضحكتها تخفيها وتظل صامتة وبداخلها يبدو بركان ..
وتصبح الحياة معها بلا عنوان .
فهذه الطفلة ماذا ضاع منها لتكون شاردة الاذهان ...
ولتكون غارقة في بحور الاحزان ولا تلعب وتلهو مثل الفراشات التي زينها الالوان ..
فمازلت لا افهما حتي الان ............انتظر تفسير الحيران ..
من وراء شرفة الاحزان .

دعي قلمي

دعي قلمي يكتب مايشاء ..
ولا تقيديه بكلمات همها البكاء ..
دعيه يكتب داخل صفحات الصفاء ...
دوان ان ينظر الي الوراء ...
دعيه يتكلم بدون كبرياء ...
ولا تسأليه عن الداء ..
فادواءه ان يزول الافتراء ..
دعيه وشأنه فهو حبيس السماء ..
يري النجوم تلمع ومعاها الضياء ..
فهذا قلمي لايريد الايزاء ..
فهو يخطو علي سطور الابرياء ...
ولا يريد كثرة الوباء .....
دعي قلمي يكتب مايشاء...

طلب توظيف

حضرني موقف طريف ..
عايزين سكرتيرة رجل اعمال ظريف ...
الشروط تكون دمها خفيف ....
وحجابها يكون تأليف ....
ومفيش أسف انا ديني حنيف ..
المهم الفلوس اللي هتديني شهادة توظيف ..
وتفوز بجائزة التخريف ..
وتكون ملابسك دايما تصييف ..
وتسمع طلبات تخليك حريف ...
فهمت لعبة المال اللي زي الطيف ..
ومش فاهمين غير انهم وجهة البيه الشريف ..
والمقابل التنازل عن مباديء اتعلمناها من غير تحريف ..
هو دا الزمن المخيف انا أسف من غير تشريف ..

زمن العجب

اه ياحكام العرب ..
خليتوا اهوائكم تحت الطلب ..
والشعوب تحت رجليكم تنضرب ..
والطرش بقي طرب .....
اه ياحكام العرب ..
العيون نورها انسلب ..
والضمير جري وهرب ..
وانتهي زمن العجب ...
واللي تاجه من ذهب ..
واللي حياته كمان سخب ..
اه ياحكام العرب ......
كل واحد بقي له اتب ..
والغرب حكم وكتب ...
ومن غير اعذار شطب ..
اه ياحكام العرب ...
بتلومونا علي الادب ..
اه ياعيني دول رتب ...
تعظيم سلام وايه العجب ...
اه ياحكام العرب ..
كبر الصوت جواياه ..
وصرخ وقال دي بداية ...
ولكل ظالم نهاية .....
ما انتهي زمن العجب ..
اه ياحكام العرب ..

لسانك حصانك

لسانك دا اعوذ بالله ..
عمال يغلط في خلق الله ..
دا مش عجبه ودا بيهواه ..
طيب ايده بذكر الله ...
ودق معاها طعم الحياة ..
وبلاش بقي الكلام اياه ..
واتمني لسانك يلاقي هداه ..
وينسي الطريق اللي في تاه ..
ولسانك دا اعوذ بالله ...
خلي يكون عطر وفاح ...
وميكنشي تاني لسان دباح ..
هو دا سر الفلاح ....
ولسانك دا اعوذ بالله...

حروفنا الأبجدية

بحروفنا الأبجدية..
بنكتب كلماتنا دية ..
فهمناها لعبة ذكية ..
كتبنها علي ورقة ذهبية ..
وننشهر افكارنا المستخبية ..
وجوانا حاجات متغطية ..
بحروفنا الأبجدية ..
مش الكلمات المتقاطعة القضية ..
او مشكلة حلها في ايدية ..
هي الكتابة مسئولية ...
مش  مجرد ورقة وقلم ..
او نقش كمان علي المية ..
بحروفنا الأبجدية ..
عايشين سعادة ذاتية ...
او ضحكة مرسومة بحنية ..
وبتشاور لية لوحدية ..
بحروفنا الأبجدية ..

ريسنا الجديد

ياتري مين ريسنا الجديد ..
حد شافوا ولا عرفوا ....
ولا شاور عليه من بعيد ..
هو عايز قبضة من حديد ..
اه ياخوفي نبقي تقليد ...
ويطلع كل يوم بوعيد ..
وتيجيله رسالة تهديد ..
ينسي كلامه ويعمل عبيط ..
ونرجع تاني نستني العيد ..
ياتري مين ريسنا الجديد .
نشوف الغرب ماسك مفتاح ..
يعوزك تغرق من غير صياح ..
ولو فهمته يبقي مصيرك البراح ..
زي غيرك ما انام وارتاح ..
ياتري مين ريسنا الجديد ..
اللي هيخلي الغلبان سعيد ..
وينام وهومطمن اكيد ..
ان حقه مش هيروح بعيد ..
وياتري مين ريسنا الجديد ..
اللي هيجيب حق الشهيد ..
ودمعة ام ابنها فقيد ..
وياتري مين ريسنا الجديد ..

بلياتشو عمولة

بناتنا عاشوا اكذوبة ..
ان بالمكياج حبوبة ..
ومن الناس هتكون مرغوبة ..
والكل يشاور مطلوبة ..
مع انك بتبقي مرسومة ..
بطريقة مش مفهومة ..
وبتمحي ملامحك بسهولة ..
علشان تغيري الصورة ..
وتروحي لحاجات مصنوعة ..
وبشرتك منها موجوعة ..
وبشكلك كمان مخدوعة ..
زي البلياتشو العمولة ..
من غير تزيين المقولة ..

عدل الفاروق

عايزين عدل الفاروق .
والظلم طريق مشقوق ..
ماشيين عليه وبشوق ..
وكأنك عايش في سوق ..
عايزين عدل الفاروق ..
والضمير اصبح غريق ..
والاخلاق حاسة بضيق ..
محبوس فيها الشهيق ..
عايزين عدل الفاروق ..
احلم ولازم تفوق ...
شوف اخوك مخنوق ..
ملفوف عليه الطوق ..
ومفيش شوية ذوق ..
غير انه بالشر مسلوق ..
عايزين عدل الفاروق ..
طب حد يقولي روق ..
ماانا شايف الكل مذنوق ..
وفي نفق ضيق مرشوق ..
عايزين عدل الفاروق ..
والدم مش في العروق ..
والكل من القسوة محروق ..
ومستني نور الشروق ..
عايزين عدل الفاروق ..
لما نداوي الفروق ..
ونرمم كمان الشقوق ..
والفقير يحس بيه اللي فوق ..
ولطعم العدل يدوق ..
عايزين عدل الفاروق ..

سكت فيكي كتير

سكت فيكي كتير ..
ووقفت في التحرير ..
وناديت بصوتي الأثير ..
هاتي حقي ولا انتي وقعتي في بير
وسكت فيكي كتير ..
الظلم فيكي انتشر .....
والكل عايش في خطر ...
وبقيت انسان ضرير ..
محتاج لايد القدر ....
وقلع الناس الطراطير ..
وسكت فيكي كتير ...
افديكي بحبي الكبير ...
وانسي سماع المزامير ...
واشوف جمال القمر ...
وليلك وياه السمر ..
ومد كمان النظر ..
واسمع كلام البشر ..
اقول محتاجة تطهير ..
وسكت فيكي كتير ..
دا كلام من غير تحضير ..
ولا حتي عايز تدبير .
ما انا واقف مستني الخير ..
وسكت فيكي كتير......
.

عالمي المسحور

عايشين زي الطيور..
جوانا شعاع النور ...
والدنيا بينا بدور ...
امتي هيعدي عليا الدور ...
بكتب بين السطور ..
كلام جوة الصدور ..
خايف اكون مغمور ...
كاتب وحوالية سور ...
ومحتاج اشارة مرور ...
والشر يروح يغور ...
وابقي انسان صبور ....
من غير ما لف وأدور ....
وامضي كمان حضور ..
داخل عالمي المسحور ...

شمس الحقيقة

شمس الحقيقة لما تغيب ...
تفضل واقف علي القضيب ..
ذي اللي بقي في بلاده غريب ...
ومش عارف فين العيب ...
وشمس الحقيقة لما تغيب ..
يبقي تجيب اللوم عليك ..
لانك ساكت والخوف ماليك ..
ومش عارف غير تشاور بايديك ..
شمس الحقيقة لما تغيب ..
يبقي تبقي للحق ديب ..
مش مجرد حبة الاعيب..
علشان تحلي والجرح يطيب ..
شمس الحقيقة لما تغيب ...
يبقي امتي هنداري الشيب ..
والظلم مالي كل جيب ..
حتي الطفل بقي كئيب..
بيحسب بألة المحاسيب ..
شمس الحقيقة لما تغيب ..
عايزين لكل جرح طبيب ..
وكل واحد له حبيب ..
عايزه جانبه عقله اللبيب..
شمس الحقيقة لما تغيب ..
استني لما اودي واجيب ..
لا يكون قلمي محتاج تأديب ..
او هو غلط وكلامه مريب ...
شمس الحقيقة لما تغيب ...

طابع بوسطة

طابع بوسطة أستني يااسطي ..
دا بلدنا فيها الوسطي بدستة ..
هتسمع الكلام دا في كل حتة ..
عايز وظيفة من غير تعريفة ...
يبقي انت بتحلم بدنيا نضيفة ..
ومن غير كلام ولا ضحكة ظريفة ..
وطابع بوسطة ......
ورتينا قفل المحطة ...
ووقعونا في مليون ورطة .
وكل واحد جالوه زغطة ..
وبيشتكي عند الشرطة ..
وطابع بوسطة .....
قفلت بيه الشنطة ..
وقولت بلاش شغل اونطه ..
علشان العقد حباته فرته ...
وعايز يتلم ونحط نقطة ..
وطابع بوسطة ...

مشبك الأصابع

من الممكن ان تكون انسان رائع ..
بس انت اللي مشبك الأصابع ..
واقف من بعيد تتابع ..
وخليك في حياتك نافع ..
واوعي توقف في دور المدافع .
شاكس وكافح وقع ..
خلي اهدافك دايما في تدافع ..
وبطل الوقوف علي ناصية شارع ..
واوعي تستكي وكمان تنازع ..
خرج القوة اللي في النابع ..
وبايديك هتغير المواقع ..
اوعي تعمل بقي مش سامع ...
انا قولت لك وانت اللي ممانع .
ومش عايزة تاني تشبيك اصابع..

نشرة الأخبار

بدأت نشرة الاخبار .
بمجلس شعب بياكل فشار .
كتبه علي نفسهم اقرار ..
انهم هيجبوا حقنا من الشطار ..
بس للأسف بلغوا فرار ..
واحنا قاعدين في صالة الأنتظار ..
مستنيين قانون الاحرار ..
وبدأت نشرة الاخبار ..
والوطنية هي الستار ..
وعلينا تقبل الأعذار..
علشان ضريبة الاختيار ...
وبدأت نشرة الأخبار ..
بكل حاجة توقف المشوار ..
وعقلك عايزجهاز انذار ..
وجاهز كمان للأنحدار ..
وبدأت نشرة الأخبار...

أروقة الفساد

داخل اروقة الفساد.

وقتل صفاء الابرياء .
نرجع خطوات للوراء.
واخلاقنا بقت زي الوباء.
وضمائرنا محبوسة داخل وعاء.
وداخل اروقة الفساد .
سألنا سؤال قالوا غباء
انت عايز تدخل سباق.
والكل عايش داخل انفاق.
واللسان مليان كدب ورياء.
والصدق تاه وقال فراق .
وداخل اروقة الفساد .
بدور فين شهادة الميلاد ..
موجودة ولا فترة حداد .
بس اكيد هستني الميعاد .
وداخل اروقة الفساد .
محتاج تاني وسيلة امداد .
ولا حكاوي شوية ولاد .
ولا كلام يمد الوداد .
وداخل اروقة الفساد ..

دموعك يابلدي

دموعك يابلدي نزلت علي خدي
وخليت كرامتي وقفت علي حدي .
وضاعت برائتي وانكسرت ارادتي.
والمفتاح معايا كان مصدي .
ودموعك يابلدي نزلت علي خدي .
قولت سدي دا الحق عندي .
دا انا كنت واقف مش عارف اعدي .
ودموعك يابلدي نزلت علي خدي.
ركعت ليه تاني ياافندي .
علشان فلوس تجرح ساعتي ..
ما انت دايما بتمد الايادي .
وعلشان لقمة عيش سايبني اهاتي ..
ودموعك يابلدي نزلت علي خدي ..
مش عارف ليه باصص تحتي ..
والكل بيبعتر كرامتي ..
ولازم يسمعني اهانتي ..
وابقي دايما كمان موطي ..
حد عنده اجابة تهدي ..
ودموعك يابلدي نزلت علي خدي...

حبر قلمي

من تاني هاكتب من تاني
الكسرة اللي جوة الماني.
من تاني كرامتي وجعاني .
وخللت البسمة نسياني .
ومن تاني هاكتب من تاني .
لمعونة هتشبع حرماني .
ولا هتداوي الفقر الانساني .
ولا تغير عنوان الاحزاني .
واترسم العار علي جبيني .
ولا حد قادر يواسيني .
ومن تاني هاكتب من تاني .
لحبر قلمي مكفيني .
ولا الوجع اللي جوة مقضيني .
غير لما لاقي راية ديني .
مرفوعة وفي ايدي تحميني .
ومن تاني هاكتب من تاني .
سمعني ولاصوتي قفل الودياني .
ومفيش غير كلمة اه ياني .
ومن تاني هاكتب من تاني

دمي عليكي هان

دمي عليكي هان

وضاع فيكي الأمان .

وصوت أمي زعلان

بتبكي من غدر الزمان .

ومن بعدي عنها والحرمان .

ودمي عليكي هان .

دي قلوب حجر صوان .

ومفيش ذرة ايمان .

ولاتقول غدر الانسان .

ولا ان الاوان .

انا خلاص نسيان .

ودمي عليكي هان .

امسك علبة ألوان .

أغير لون الأحزان .

واكتب للأمل عنوان .

ودمي عليكي هان

ضحكة ضائعة

ضاعت ضحكة أنس يا ولاة

كان زي القمر في صفاة

وضحكته زي النهر بتروي الحياة

كان رايح وسط احبابه

والغدر كان واقف علي بابه

ومحي طيفه وخللي الوجع سيفه

وضاعت ضحكة أنس ياولاة

حلمه ضاع والكل قال أه

وسبقها تنهيدة طويلة

خللت الدمعة اأيرة

والصبر لينا وسيلة

وضاعت ضحكة أنس ياولاة

لو الألم فيه النجاة

وفيه لفت الانتباه

كنت قولت أكيد هننساه

وضاعت ضحكة أنس يا ولاة ..