عالمي المكنون

عندما لاتجدني سوف تعلم اين سأكون ...
سوف اكون صارحة في عالمي المكنون .......
او ساكون غارقة في شكي والظنون ......
فلا تبحث عني وتزيدني شجون .......
فأنت قفلت باب القلب الحنون .......
فلا انتظرك ولا اريدك في عالمي ان تكون ...
فانا لا اشتاق الي كلامك المسجون ......
فرصيدك عندي انتهي ولا تزيدني جنون ....
وحينما لا تجدني انتظر حين الغروب ....
حتي تجد عذرا مكتوب .........
او دمعات تمحو قسوة الدروب ........
فقلبي اصبح بالجرح يذوب .......
واراد ان يرتدي قناع الهروب .......
ويتناسي انه كان عاشق محبوب .....
وعندما لا تجدني ........

فيلسوف

فيلسفوف  انا فليسوف .......
عايش حياتي حسب الظروف ....
واحب كمان الف واطوف ....
واخرج برة العالم المألوف ...
وفيلسوف انا فيلسوف .......
حياتي زي الحروف ...
لكل حرف له مظروف ...
واكتب واقول ليه الخوف ....
طول ماانت عايش يااااما هتشوف ...
وفيلسوف انا فليسوف .......
يوم تلاقي الناس بتستقبلني بالدفوف ..
ويوم علي وشهم شوق مكسوف ....
ويوم موقفني في صفوف .....
بس في الاخرانا فيلسوف ....

خطفوكي

خطفوكي يوم فرحتك ........
ويوم ميلاد حريتك .......
ويوم فك قيود خنقتك ...
ويوم اتمسح في دمعتك ......
زادوا فيكي فرقتك ........
وخلوكي عايشة في غربتك ...
.وخلوا القسوة دينتك....
 وانتي تايهة في سكتك ......
خطفوكي يوم فرحتك .....
خلوني شهيد في جنتك .......
خلوا كلامي مش فاهم وجع حضرتك .......
وخلوني اكتب بحروف في الالم حدوتك ....
خطفوكي يوم فرحتك .........

سبع لفات

مطلوب بالمواصفات .........
رئيس ابن ذوات ......
يحمل كل الجينات ....
يكون سلاحه سيف السكات ....
ويجيد تنفيذ القرارات .....
ويكون لشعبه فقير شحات .....
ويطبق مبدأ خد وهات .......
ويقدم حفنة تشكرات ......
لكل واحد صوته مات ........
ومطلوب بالمواصفات ......
ان يكون ميلاده عدي وفات ......
وشجرة العيلة منتهية الصلا حيات ...
وان يكون قادر علي معاشرة البهلونات ....
ومطلوب بالمواصفات ...........
ان يرضي كل مولود ات ......
وان يوفر له كل الالتزامات ......
وان يعامله معاملة  ابن بشوات .......
ويقدم له تعظيم سلام في كل المناسبات ...
ومطلوب بالمواصفات .......
ان يكون قادر علي جذب السياح ..
وميسبناش في البراح ......
وينام هو ويرتاح ..........
واحنا قاعدين للنواح ......
وتلف معاها سبع لفات .....
ومطلوب بالمواصفات .....
ان يجيد كل اللغات ......
وان يشعر بكل اه من الاهات ...
وان يداوي جروح الزمن اللي فات ...
ومعاها صحيفة اعتذارات ......
وبرنامج تحقيق الامنيات .....
ومطلوب بالمواصفات ......
حد عنده اي اعتراضات ....
يحطها في بند البدلات ......
ومع خالص التحيات .....
ومطلوب بالمواصفات .......

حد السكين

ياماشي علي نهج الدين ..
بطل كلام التلوين .......
والغدر اللي فيكوا سكين ...
والكدب للصدق دفين ......
ياماشي علي نهج الدين ...
سامع صوتنا الحزين ...
بيقولك خليك امين ...
وخلي الحق حد السكين ...
ياماشي علي نهج الدين ...
بنسألك علي فين رايحيين ...
وانا شايفكوا كلكوا تايهيين ...
وكلامكم زاد الانين .........
ياماشي علي نهج الدين ...
مش عايزين شعارات كدابة ...
بتحسسنا ان احنا في غابة ...
والقانون محتاج تأمين ....
ياماشي علي نهج الدين ...
فكوا قيود حلمي السجين ...
اللي انحبس من كل لعين ...
ومهره بقي في عنية ثمين ...
ياماشي علي نهج الدين ...
المسئولية في ايدك الناعميين ...
وانت اختارت راية الملايين ..
تحت جلد التعابيين ......
ياماشي علي نهج الدين ..
مش عايزين تاني تلحيين ....
او حد لينا يهين .......
او نحترق بنار التنين ......
ياماشي علي نهج الدين ......
انا شكلي وصلت الحد ...
وكلامي كان جد الجد ....
وعايزين الوفاء بالعهد ...
ومتقوليش مش شايفيين ......
ياماشي علي نهج الدين .......

نبض فؤادي

مين حس بيكي يابلادي .....
وقال انا راجع في ميعادي .....
دا انتي نبض فؤادي ............
وشوقي وقت بعادي .......
مين حس بيكي يابلادي ....
علي الحرية بنادي .....
حق الشهيد بقي عادي ......
كأنه دمه راح علي الفاضي ..
مين حس بيكي يابلادي ...
شوية وقفم قصادي ...
قالوا حري وعدالة افتراضي ..
والواقع كله بقي ماضي ...
وانا بصراحة مش راضي ..
ومين حس بيكي يابلادي

سهو عصري

مكتوب في شهادة ميلاده مسلم ..
ولمباديء دينه طريقه مظلم .......
حرف كلامه علشان يجامل .....
علشان يوصل بشكل مؤلم .......
تقوله دينك ينهي ويأمر ..........
ولازم تسمع الدنيا بتغدر ......
يقولك كله مكتوب ومتقدر ...
اوعي تعمل علية متشطر ..
انا فاهم منك اكتر .........
مش لازم في الصورة اظهر ...
طب ودينك ياعم كبر ....
ومكتوب في شهادة ميلاده مسلم ...
كلمة حرام خلها ممكن ....
والرشوة بقت اكرامية ..
علشان اللسان ياخد ويكتم ...
والمصالح تتيسر ياعم المؤدم ...
ومكتوب في شهادة ميلاده مسلم ...
وفي صلاته يخطف ويجري ...
والفرض  اللي فاته سهو عصري ...
هايبقي يعوض ماهو مسلم اصلي ...
ومكتوب في شهادة ميلاده مسلم

لا تسأليني

لاتسأليني عن الأمس...
فالامس كنت معك نتشاطرالأحاديث ..
ونسمع ضجيج الأحاسيس ..
وكان للامل بصيص ...
وكنت أسمعك كصوت الهويس ......
لا تسأليني عن الأمس ......
قد كنت ملكك واليكي ..
واعود بين يديكي ......
ولا اريد سوي شوق عينيكي ..
وحينها اذوب ولا اريد الرحيل .........
لا تسأليني عن الأمس ...
ابتسامتك تفوح في كلامي ..
والشوق اليكي يزيد وجعي والامي ...
فانتي مازلتي تعلو فوق بحور احلامي .....
لا تسأليني عن الأمس ..
فأنا باحث عنك
داخل نبضات كياني ......
لا تسأليني عن الأمس ....

اذكريني يا بلدي

لو كنت يابلدي غلطت في حقك ....
سامحيني وضميني .........
ماانا من يومي رافع علمك ......
وبضحي ودمي علي جبيني........
ليه بس يابلدي عايزة ...
من حضنك ترميني ....
والكل يابلدي بيدور.....
علي غلط يأذيني ...
بس انا واثق فيكي يابلدي
اكيد هتذكريني .....
مهما قالوا بجد يابلدي
مش راح تنسيني ..
مهما راحوا دقوا بابك
برده انتي اللي هتحميني ......
عارفة انك في قلبي جوة
ومفيش حاجة تكفيني ......
ولو كنت يابلدي غلطت ..
سامحيني وضميني .......

أه يابلدي

لا بسوكي توب سواد ..
وخنقوكي بحبل الوداد ..
وطلعوا علي رقاب العباد ..
وقلعوا كل الاوتاد ....
وباسم الحرية لفوا البلاد ..
وقالوا هنبني أمجاد ...
ولابسوكي توب سواد ..
والشهيد راح ومات ..
وحقه في ايد بهلونات ..
والقانون مليان ثغرات ...
لا بسوكي توب سواد ..
أه يابلدي الوجع زاد ..
خدوا الأمل من الولاد ..
وكلوا بأسمك دخل المزاد ..
لابسوكي توب سواد ..

ورقة وقلم

بكتب بورقة وقلم ..
عنوان جديد للالم ..
وكله فيكي اتظلم ..
وحلمه اصبح عدم ..
وبقيت واقف صنم ..
وظهري كمان انقسم ..
وحلفت يمين القسم ..
اني ما اعيش في العتم ..
واتكلم وارفع العلم ..
وتسمعي صوتي اللي اتكتم ..
وقبل ماتسأليني من حكم ..
ومين رسم ومين عليكي قسم ..
ومين سبك ومين شتم ..
ومين من البرد اتزكم ..
ومين منك اتحرم ...
ونسي شكل الهرم ...
ومين من غدر ناسك سلم ..
ومن كلامه زي السم ..
وشغال كلام ونم ...
ومش عجبه حاجة وعايش غم ..
ومين مشاكله قد الكم ...
وعلي دماغه كل يوم هم ...
ومين بيدور علي حضن الام ..
علشان تضم والخير يعم ...
ومين يصلي بالناس امام ...
ويأمهم لقدام ...
ومين ولع الشموع في الظلام ..
ووقف زي الجندي الهمام ......
وسمعنا احلي كلام .......
وقال كفاية فيكي علام ...
احنا قدة بقينا تمام ....
بكتب بورقة وقلم ........

انين الصمت

وقف الكلام علي لساني ..
يادنيا فين الاماني ..
والعمر فيكي فاني ...
والضحكة كمان مخصماني ..
ووقف الكلام علي لساني ...
مش عارف احب من تاني ..
والكل فيكي باعني رماني ...
وحلمي راح لحد تاني ...
ووقف الكلام علي لساني ..
وفضلت واقف مستنيي ..
يمكن يجي ويسألني ..
اتاريه كسرني بهدلني ...
ومن غير عتابي حرمني ...
ووقف الكلام علي لساني ....

اشكيكٍ لمين

ياسامعة صوتي الحزين ..
وعارفة طعم الحنين ...
اشكيكٍ بس لمين ...
وانتي جوة العين ..
ياسامعة صوتي الحزين ..
موجود فيكي اللعين ...
واللي سرقك من سنين ..
واللي خلاني سجين ...
ياسامعة صوتي الحزين ..
اهرب من حبك فين ..
وانا عاشق ليكي مسكين ..
وعلي العهد حارس امين ..
ياسامعة صوتي الحزين ......

مناجاة

ياعالم بحالي وغني عن سؤالي ..
بدعوك ياربي تكون بجواري ..
تكون حبيبي وتكون رفيقي ..
وتكون ياربي سندي الحقيقي ..
تكون نصيري وتكون رحيمي ..
وتكون غفوري في حياتي ومماتي ..
تكون نجاتي من هفواتي .....
تكون منايا يوم اللقاء ......
تكون طبيبي ساعة البلاء ...
تكون بالنسبة لي رجائي .....
ياعالم بحالي وغني عن سؤالي .....
ارحم ضعفي واذلالي ......
فأنا عبدك رغم عصياني ..
واجابة دعائي تزلزل كياني ..
وعفوك عني احيا قلبي بالايمان ..
ياعالم بحالي وغني عن سؤالي ..

علبة اسرار

ليلك سارح في سماره ..
وابنك في علبة اسراره ..
وهيحميكي بأصراره ..
وهيفتح دولاب افكاره ..
والضحكة الحلوة تكون داره ..
والشمس بنورها بتحلي له ..
والشجرة الخضره تزهي له.
والساقية بتروي عطشه من ازلاله ..
وليلك سارح في سماره ..
وعيون الناس مش بص له ..
لانه في حيره من انصاره ..
وبسمار الليل يزيد امله ..
وعلي ورقة بيضة يكتب عمله ..
ويزيد الحلم اللي امتلكه ..
من ساعة ما الاله خلقه ..
انه يشيلك علي راسه ..
وهو فخور بأحساسه ..
حتي لو الكل داسه ...
هتفضلي حياته وناسه ...
وليلك سارح في سماره ..

مخزون احتياطي

غيروا نشيدك يابلادي ..
خلوه بشكل اعتراضي ..
والمحبة بقت دموية ..
والكره ازمة شعبية ...
والمصلحة فوق المسئولية ..
غيرو نشديك يابلادي ..
وعليكي برده بنادي ..
يمكن الاقي مرادي ..
والاقي فيكي تسلية ..
غيروا نشيدك يابلادي ..
هما حبة اونطجية ..
ولا شوية حرامية ..
ولا ناس باعوا القضية ..
غيروا نشيدك يابلادي ..
صورة بهتة للحرية ..
ولا في ايدي خفية ...
ولا احنا في ازمة فعلية ..
غيروا نشيدك يابلادي ..
المفروض بقي اطاطي ..
طيب صوتي رافض سكاتي ..
خليني بقي مخزون احتياطي ...
غيروا نشيدك يابلادي .........

لخبطة

لخبطة لخبطة حاجة معقدة ..
كل الرؤساء بقم شخبطة .
.لخبطة لغبطة حاجة متقصدة ..
بسبوره نضيف ..انسان شريف ..
جنسية اهله طلعت تخاريف ...
لخبطة لخبطة حاجة معقدة ..
شكلي هاروح علي المريخ ..
ادور وأرخ تواريخ .....
علشان احل المعقدة ...
لخبطة لخبطة حاجة معقدة ..
وهطير في الفضي ..
واستني القضي ..
اقبل مابقي متورطة ..
لخبطة لخبطة حاجة معقدة..

سبب حيرتي

ياحببتي يابلدي ..
ياسبب حيرتي ..
ياضحكة ضايعة واتبعترتي ...
يازرعة لسة ماتخضرتي ....
رووكي قسوة وماتقدرتي ...
ياحببتي يابلدي ..........
عايزاكي تتشارطي ..
مش اي حد يتحكم فيكي وفي ارادتي ...
اوعي تكوني سبب ضغطي ...
وانكسار هامتي ..
انا عارف ان الزعل وقتي ...
واكيد هتيجي لحظة براءتي ..
ياحببتي يابلدي .......
بيجيبوا سيرتي ...
وانتي معاهم اتمخترتي ...
بس برده فيكي حيرتي .....
ياحببتي يابلدي........

طراطيش

اكتر من كدة متقوليش ...
دا الناس مش عارفة تاكل عيش ..
واحلامهم اتقفل عليها الشيش ...
واسمعت كدة كلام طراطيش ...
انحنا هنلبس تاني طرابيش ...
واكتر من كدة متقوليش ....
رئيس بلد تاني مفيش  ...
ما كلهم حبة دراويش ..
واكتر من كدة متقوليش ...
حتي الطبال عايز يعيش ...
وعلي اكتاف الشعب يهيس ..
ويغني اغنية انا الرئيس ....
اكتر من كدة متقوليش ...
شوية برود علي ططنيش ..
هقدر كمان غير الفيش ..
ماهي كل حاجة راحت فتيس ..
حتي الكلام بقي تفليس ...
اكتر من كدة متقوليش ...

بوتقة النسيان

تغنت الطيور في الصباح الباكر ..
وتناثر مني الشعر الزاجل .....
وتكلمت بلسان شاكر ....
وتحسست ضجيج المشاكل ..
فانتظرت احد يشاطر ....
فلم اجد غير احزان تتقاسم ..
وتضيع الاماني يااخواني الافاضل ..
ونعيش علي سماع اساطير الزمان ..
ولكن نحن من نصنع بئر الحرمان ..
داخل بوتقة النسيان ..........
وتغنت الطيور في الصباح الباكر ..
وكان صوتها عذب نادر .......
ولاادري لماذا كان في اذني غير حاضر ..
وقلبي كان يموج بأمواج المخاطر ......
وتغنت الطيور في الصباح الباكر ...

اي كلام

كلام في كلام ..
كأننا عايشين قصة غرام ..
بدايتها حب وانسجام ....
ونهايتها غدر وانتقام .......
وكلام في كلام ......
والكدب حرام ...
بس الحقيقة في انسجام بين الواقع وعم سلام ..
وكلام في كلام .......
وسباق احلام وعيون الناس علي شط الاوهام ...
ماهو اي كلام من غير احكام ...
ماهو الكل بيضحك عليك ياهمام ......
كلام في كلام نظرة لقدام من غير اعدام ...
اصل انا جواياه طابور الالام ........
حد عنده تفسير احلام ......
كلام في كلام .....وهو اي كلام......

جوة الحارة

دستور دستور يطلع للنور ..
تغيير مواد ولعب ولاد 
شوية ناس بهلونات ...
خلوا بلدنا عايشة اهات ..
دستور دستور يطلع للنور ...
شايفين حواديت ...
وناس وطاويط ...
عمالين يعتذروا ويقولوا مظبوط ..
دستور دستور يطلع للنور ..
دماغي وجعاني ...
من كلام اناني ..
مش فاهم حاجة ..
غير لعب صبياني ...
دستور دستور يطلع للنور ..
طيب اديني امارة ......
دا اللعب شطارة ...
ولا انا هفضل جوة الحارة .....
دستور دستور يطلع للنور ...

قناع الدين

لابسين قناع الدين .....
وللكرسي قالوا امين ..
هيجيبوا حق المظلومين ...
وهما علي الغدر ناويين ..
لابسين قناع الدين ....
قالوا باسم الشريعة ....
وخلوا الكدب زريعة ...
واحنا ليهم مسلمين ........
ولابسين قناع الدين .......
وقفنا علي حد السكين ..
قولنا للضمير اسفين ...
ودفعنا تمن الاختيار اللعين ..
ولابسين قناع الدين ...
تاجروا بيه وبينا ...
وفاكرناهم طوق نجاة السنين ..
اتاريهم زي غيرهم ...
بيلعبوا لعبة الشياطين ...
ولابسين قناع الدين ...