دستور ياسيادنا دستور ........
والشعب كمان معذور .........
مع انه بيرفض ويثور .........
وبيقول للظلم كمان غور ............
دستور ياسيادنا دستور ..........
انا هكشف كل المستور ...........
مش خاف وابقي مكسور..........
او الف في ساقية الثور .........
دستور ياسيادنا دستور ............
مش هخلي حقي مهدور .........
ولا خلي العتمة طول النور ........
اناهبني للحرية قصور ..........
دستور ياسيادنا دستور ...........
وعقولنا عليها قفول ..........
عايزة مفتاح مسحور ........
او فتح كتاب مهجور ...........
دستور يا سيادنا دستور ..........
انا واعي ويمكن مسطول ..........
انا ظل خيالي المقهور .........
انا علم وجهل منشور ...........
او ريشة في الهوا بدور .........
دستور ياسيادنا دستور ........
عجبي علي بن ادم .........
يعصي الله ويأتيه نادم .......
ويقول انا قاسم ..........
وانت يارب عالم ...........
نفسي اعيش سالم .........
وعن ذنوبي صائم ...........
وعجبي علي بن ادم ...........
بلسانه يفتح مظالم .........
ويخلي لذنبه معالم .........
ويتكلم وينسي المحارم .........
وعجبي علي بن ادم ..........
يمد ايده لربه ........
ويكون العفو طلبه ............
والناس مش تعاتبه ..........
حتي لو كان ظالم ...........
وعجبي علي بن ادم ...........
نسي عبادة ربه .........
وانه في شدة جنبه ...........
واكيد هيفك كربه ......
مهما عظم ذنبه .........
وعجبي علي بن ادم ...........
يمد ايده لغير الله ........
ويقول لكل واحد اه .........
مع ان ربه دايما معاه ...............
وبابه مفتوح وواسع مداه ............
وعجبي علي بن ادم ........
المصريين هما خفة دم السنين ...........
هما شقاوة مستحية وراء الستارة المدارية ..........
هما امل بكرة والذكرة وياه الفكرة ..........
هما انا وانت واحلامنا اللي بتستخبي ...........
هما ضفاف النيل وسماع المواويل ..........
هما سمار الليل والمعدن الاصيل ...........
هما الحدوتة الجاية واكيد هتكون ابية ..........
في اللي يقفل باب الحرية ............
ويقول مصر هي هي ...............
ايه اللي اتغير فيكي يامصر ........
شعبك لسة لسانه بيتقص ..........
شعبك لسة دمه بيتمص ............
شعبك لسة مش قادر يحس .........
بقي حكاية كل عصر ............
ايه اللي اتغير فيكي يامصر ...........
نفس الوشوش اللي بتقش ...........
نفس العيون اللي بتغش ..........
بس اتغير ساكن القصر ........
ايه اللي اتغير فيكي يامصر .......
يمكن صوتي بقي حر ...........
يمكن كسر حاجز الذل .........
بس ضايق طعم المر .............
ايه اللي اتغير فيكي يا مصر .......
صوت الحق اصبح مدبوح ........
باب الجراح دايما مفتوح ........
والعيون بالدمع تلوح ............
والسعادة مش لاقية مقر ..........
ايه اللي اتغير فيكي يامصر .........
نور الشمس راح من الامس ...........
والخوف بني بيوت من القش .........
ايه اللي اتغير فيكي يامصر ...........
يمكن اسمي هواسمي ...........
يمكن شكلي نفس ملامحي .........
يمكن قلمي اصبح قبطان ...........
في سفينة بترسو علي قضبان ........
ايه اللي اتغير فيكي يامصر .........
هما ناسك فيهم قلب .........
ولا الحياة فيهم بيدب ..........
ولا الشجرة دبلت من القهر ........
ايه اللي اتغير فيكي يا مصر .......
الديمقراطية العرجاء .........
تعود بينا للوراء .................
والعقول تغرد بغباء ........
فمنهم من ارتدي رداء الاولياء ......
ومنهم من صارعلي درب الاوفياء.....
ومنهم من اصبح عدو وليس منه رجاء ......
ومنهم من يبحث عن منصب زائل وفناء .......
ومنهم من لايدري ماذا ينتظره في المساء ........
فالكل يتسم بالكبرياء ..........
ولايهمه من يتألم ويبات في عناء ............
فالشقاء جليس يحق له البقاء ............
وكأننا اصبحنا عن بعصنا غرباء ............
الكل في سباق الاراء .............
والكدب الذي يحلق في الفضاء .............
فهل لنا ان نبتسم في عالم الابرياء ...........
فجمعينا لا يرتدي معطف الولاء .........
وجميعنا ينتظر عدالة السماء ..........
صورة بالكربون ...........
لاجل الكرسي الدم يهون .........
لاجل المنصب الملعون .........
الخطاوي خطاوي مسجون .......
والحرية فين هتكون .............
والعدالة هي قانون ..........
لقمة عيشي دقيق مطحون ......
فيه مسامير وباقي صحون ..........
تيجي تقول يقولوا بدقون .........
بس الصورة بالكربون ...........
سمعونا خطب في الجون .......
بس نسيوا يقولوا المضمون ........
ان الكرسي بيطفي النور ..........
ويخلي العاقل مجنون ..........
ويغمي كل العيون .........
ويخلي الافواه سكون ........
يعني صورة بالكربون ...........
كل حاجة ماشية بعربون ........
والصرخة الم مكنون ..........
والفقيرمدقوق في الهون ..........
يعني الصورة بالكربون ...........
يا قطار الاحزان ..........
عصفوري زعلان .......
فرحته مكسورة...........
ودمعته محصورة ........
في عيون الحرمان .........
ياقطار الاحزان ........
خلي الفرح يبان .........
في زهور البستان ..........
دا ضحكة ماحلاها ...........
لما تروي العطشان ...........
ياقطار الاحزان ...........
لحن لي الحان .........
تنسيني الاحزان....
وتخليني فرحان ..........
وملون الزمان ..........
ياقطار الاحزان .............
جاي بايه كمان ...........
ريشتي ريشة فنان ..........
هتخلي للفرح مكان .........
وتقتل حيرة الحيران ............
ياقطار الاحزان ............
بتقولوا الحزن جاي منين.......
وكل بيت مليان انين ......
والدم سايل علي الجبين .......
والدمع ساكن كل عين .........
وبتقولوا الحزن جاي منين .....
هما طيور الجنة فين .......
راحوا ومش راجعين ......
دق الباب ناس تانين........
لبسوا الفرحة رداء تكفين .........
بيقولول الحزن جاي منين ......
والم بتصرخ بحنين .......
شوق عيونها هيروح لمين .......
دقة قلبها كسرة سنين ........
ويقولوا الحزن جاي منين .......
هي قصيدة مكمليتش .....
زي الفرحةاللي مرجعتش ......
زي الطفلة اللي مكبرتش ........
واتسرق حلمها السجين ........
وتقولوا الحزن جاي منين .....
ياتري الدور الجاي مين
انا صاحبي كان موجود .........
واقف علي الحدود ........
اصابه رصاص الغدر ........
خلته مش هيعود ..........
انا صاحبي كان موجود .......
ضحكة وسط الورود ...........
قطفها مني الموت ...........
وسط سكوت السكوت .........
انا صاحبي كان موجود ........
حبة عقدي المفروط ...........
وصدي صوتي المكبوت ........
وصدايا صار مفقود ..........
انا صاحبي كان موجود .......
رافض كل المفروض..........
ومعاه كان الوجود ..........
وانا صاحبي كان موجود .....
قلمي قايم بدور بطولة .........
وسط الدايرة المقفولة ..........
وكل واحد علي ظهره حمولة .........
ومش شايف غيره غير بفاتورة ..........
قلمي قايم بدور بطولة ....................
يمشي معايا من غير عمولة ........
يكتب كلمة معقولة ................
يبروز صورة مسحورة ............
وسط حكاوي قلوب مكسورة ........
وقلمي قايم بدور بطولة ...............
في ورقة بيضة مسطورة ..........
ولكل نقطة حبر حكاية .........
وعشق واضح مالوش نهاية ..........
وقلمي قايم بدور بطولة ..........
كل شوية اغير صورة .............
ممكن تكون بنت وامورة ..........
او كلمة لحل فزورة ..........
او دمعة في عيون مهجورة.......
اوضحكة محتاجة تفسيرة .........
او حلم محتاج تصبيرة ........
او امل ضال سبيله ...........
او قسوة من ناس عويلة ..........
او لمة لاحلام العيلة ........
وكل شوية اغير صورة .......
بتعبر عن فكرة مسحورة ..........
او شكوي من قلوب مكسورة ........
او كل شوية اغير صورة ..........
استاذ مسحوب انسان حبوب .........
شايف حياته بالمقلوب .............
لو يضحك يبقي في مكروب ............
لو يحزن يبقي الشمس في غروب ..........
لو رحت تزوره هتوه في فصوله .........
لانه علي طول حقه مسلوب ..............
ودنيا معاها داخله في ملعوب............
تسمع حكاويه وتفهم معانيه ...........
اصله شخصية وله اسلوب ..........
وحلمه يادوب طيبة في قلوب ..........
ماتت من قسوة المكتوب ............
مش شايف ان حلمه سراب .........
لان الحب سؤال وجواب ...........
مش محتاج كلمة في عتاب ...........
المهم نقفل سرداب العذاب ......
ونرسم ضحكة علي كل باب .........
من غير ما تبقي لسان كداب .........
هو دا انا يا احباب .............
يا من تعودت علي لقائه في احلامي .........
ورأته الدنيا سر الامي ...........
فأنت بعيد ولكن موجود في كلامي ............
اشتاق اليك واتناسي حرماني ..................
فقد كنت بسمة تجول في وجداني ............
ورحلت بقسوةو تركتني وحداني..........
فالعمر يجري وانت لا تعلم ما سر احزاني .......
واعواد وانتظرك مع انك الجاني ............
جعلتني ذكري شاردة الاذهان ..........
ورميتني في بحر الهجر والنسيان ...........
فهل لك ان تنتظر بقايا انسان ................
غيداء قصيدة خرساء ..........
عيناه سوداء ............
كالسواد الليل في الشتاء .........
وجوهها كالقمر يشع ضياء .........
والنجوم حوله في اختفاء .........
ملامحها تجوب بكبرياء ..........
والحب لديها مكبد بالعناء ..........
والبسمة علي شفاه جفاء ...........
والوديان كأرض جرداء .......
فهي عصفورة في السماء ..........
تنشد انشودة علي استحياء .......
يفهما قلوب الاتقياء ........
وتعيش في عزلة الاشقياء .........
واحلامها مبعثرة كاشلاء .........
والغد مليء يالرياء ........
فهي انسانة عصماء ..........
تري في ظل قلوب عمياء ......
واناس خطواتهم عرجاء .......
كازهرة في البيداء .......
عطرها يجول الارجاء ...........
فغيداء الكلمة في لقاء .........
او حديث اجل للمساء ...........
او عازفة الحان العشاق .......
ضحكة صبية مخنوقة ..........
من كتر الهم كركوبة .........
ومن كتر القسوة مرعوبة .........
بتتكلم وهي مغصوبة ...........
وببتألم من غير عقوبة ............
وعيونها عايشة الاكذوبة .......
بكرة احلي بأعجوبة ..........
وضحكة صبية مخنوقة ....
حريتها منها مسلوبة .........
والحق بدايته مقلوبة .........
وبيدور علي ركوبة .........
في ظل الخطة المكتوبة ..........
ضحكة صبية مخنوقة ..........
عملوها لعبة والعوبة .........
ونسجه احزانها المكلوبة .........
علي امل ضحكة مزعومة .........
احلامي مجرد احلام .........
موجودة وسط الزحام ......
بتسابق سرعة الايام ..........
وبتستني تفك اللجام .........
احلامي زي طيور الظلام .....
مش لاقيه في الدنيا انسجام ..
احلامي طفلة صغيرة .........
بتحبوا خطاوي قصيرة ..........
ولسة محتاجة علام ..........
احلامي هش مستحيلة ....
بحلم بيها كل ليلة ..........
واتمناها تيجي اوام ..........
احلامي هي قطرة ندي .........
هتجي انا متأكدة .........
ومفيش يأس او استسلام .......
احلامي هي احلامي ........
محفورة علي جدران ايامي ......
وسالوا حبر الاقلام .........
......احلامي .............
