تكويش ...تكويش ...
وفلوس معاييش .....
والناس مش عارفة تاكل عيش .....
يقوموا من النوم ......
علي هم اليوم ..........
ودموعهم نازلة من التطنيش .........
كهرباء مقطوعة ..........
ومياه ممنوعة ........
والبطن بتصرخ من الجوعة .....
وكل واحد نازل طلطيش .........
وتقوله كفاية ........
قلمك براية .........
هو انت لوحدك اللي حسيس ...........
ياعم عيش دا الكل طرابيش ........
البنت عملوه لها مدة صلاحية ...
لتتجوز لتبقي حياتها منهية .....
والواجب عليها تواكب العصرية ...
اهو ظل راجل والهدوم مدارية ....
وانا قالت ياعالم من حقي اختار .......
يقولوا بقي موت ياحمار ..............
انتي مستنية الجنيه يساوي الدولار ....
خليكي كدة في اوهامك الوردية .....
طب ياعالم شوية شوية ......
انا مش انسانة وعقلي فية .........
ولا انتم خدوا قرار قبلية ........
اننا من ضمن الكماليات البيتية .....
طب شوية انسانية .........
مش تكسير معنوية .............
انا مخلوقة وليه ارادة ........
بس انتم خنقتوها كالعادة .........
شربتوها القهوة سادة ........
علشان تقاليد السيادة .........
بقي لينا مدة صلاحية .....
عايز اغير واتغير ......
اصل شايف الطويل قصير ...
والكبير ياعيني صغير .....
والكوابيس احلام تحير ...
وانا معاهم بلف وادور ...
عايز اغير واتغير .......
اصل شايف الناس الوان ...
واخلاقهم في عالم الحيوان ....
وضميرهم منهم هربان ........
لابسين قناع الاحرار .......
عايز اغير واتغير ..........
اصل شايف بنات غريبة .....
والحياء عندهم عيبة ..........
والحجاب بلوة ومصيبة ......
يخليك تشعر بالشيبة .........
وتتمني تمسك منشار ....
وتقطع كل الاوتار .....
اللي تخلي الجنة نار ......
وعايز اغير واتغير .........
اصل شايف الدين اتحور ....
والاساتذة عقلهم اتنور .....
والحرام حلال مطور ....
وانا واقف برسم وبصور ....
والناس حوالية بتتهور ......
داخلين في غيبوبة بندور ....
بس اكيد هنغير ونغير .........
قانون في اجازة سنوية ........
دستور في ازمة شعبية .......
ورئيس قراراته ثورية .....
والشعب بيفسر النية .......
ومقسومين قسمة معدية .....
طلبات الست النكدية .....
وحوالينا عقول مفضية ...
مش عارفة تحل القضية ...
الكل رافع مقامه ........
وشايف نفسه في منامه ...
انه فقيه القانونية .........
وان الازمة سطحية ...
حلها شوية تضحية ...
وبقينا عايشين علي وش المية ........
وعقارب الساعة عكسية .......
وبنغرق شوية شوية .........
وطوق النجاة مش هيجي هدية .....
ومش لاقي حاجة اقدمها .......
ولا حاجة ممكن افهمها ........
غير نا س بتنازع لاحلامها ........
وبلد بتأن بأوجاعها ..........
وانا زي غيري بدبحها ........
وبقفل باب افراحها ........ويارب الاقي مفتاحها ......
بمناسبة شهر الخير .........
غلباروي قال تطهير .......
وخلي النت سبيل ........
وعجيبة يارب تطير ......
واقعد في هدوء بالليل ....
واقرا القرأن ترتيل .......
وانسي كل البشر .........
حتي لو شحني فصل ......
احلم بشقة علي النيل ...
واعيش كما لو كنت امير ...
ومحدش يخليني اثير ...
وفجأة تدخل عجيبة ....
قالها كل سنة وانتي طيبة ياحبيبة ...
اطلبي طلباتك الغريبة ........
انا سامعك وكلي طيبة ........
قالت في زهول ...........
شكله بقي مخبول .........
اما طلب بقي علي طول ...
رمضان هيجي علينا ...
عايزين حاجات تقضينا ...
ومنقولش لغيرنا يدينا ...
قالها حاضر مش الليلة ...
خليني ادبر الوسيلة ...
مع اني بقيت في حيرة ....
من عجيبة مراتي الفضيلة ...
وشكلي هابعتها اجازة طويلة ...بس رمضان جاي بنفاحته السعيدة ...
واه منك ياعجيبة ..........
يامراتي يا عايزة ترتيبة ....
كل سنة وانتم بخير
تيجي نتعاهد في رمضان ..........
يكون كلامنا ذكر للرحمن .......
ونختم فيه القرأن .......
ونصلي ساعة الاذان .........
ومفيش سهو من الشيطان ......
او حد يزن علي الودان .......
يالا قوم ياكسلان ...........
مستني ايه ابدأ من الان .....
دا فرصة نجدد الايمان ......
وكمان ننول رضا الرحمن ......
وتلم العيلة ونرجع طيبة زمان .....
وتيجي نتعاهد في رمضان .......
تمد ايدك للجعان ................
وتروي عطشه من الحرمان .....
دا شهر طاعة ياأنسان .......
والجنة هي العنوان ........
وتيجي تعاهد في رمضان .........
متسيبش حد منك زعلان ....
او حد خلي لدمعك مكان ......
هتسامحه بعظمة هدي الرحمن .....
وتيجي نتعاهد في رمضان ..........
تكويش ...تكويش ...
