ابو العريف

عامل فيها ابو العريف .............
في كل يوم يطلع لنا ضيف .............
تسمع كلامه تقول تخاريف ...............
في دور شيخ عالم شريف ...............
ولو دور سياسي يبقي ظريف ..............
ماللعبة ماشية حسب الكيف ...............
وفتوي طالعة وفيها تحريف ...............
اقتل يابني صول عريف ................
وخلي الشر اقوي حليف ................
وساعة الجد هاغطس ماقب ............
زي مااكون سحابة صيف .................
عامل فيها ابو العريف ................
عمال ينادي .....................
ويقول بلادي ....................
والكل ماشي وراه بالسيف .............
وعامل فيها ابو العريف .............

ارهابي جبان

اقتل فينا كمان كمان 

مش هخاف من ارهابي جبان ..........

غدر بينا وغمي عنينا ................
وفاكر نفسه راعي الاديان ..........
بيكفرني وحلل دمي في كل مكان .........

قتل الحلم اللي جواياه ..............
خلي الشر للغدر مراية ..............
والتمن غربة اوطان ..................
ولسة بيقولواجواها انسان ..............
بأمارة الام الحزينة ...............
والفرحة اللي بقت سجينة .............
لابسوها الكفن فستان ................
تجارت بديني ياشيخ عرفان .............
اديتي الفتوي وقولت ايمان ............
اتاريه قناع لابسوه شيطان ...........
والصدق كدب وبر امان ..............
ولسة بيقولو ه جواها انسان ............
جندي واقف يحمي حدوده ..........
علي ارض بلدي بينمو عوده............
خطفوا الموت وياه السكوت ............
والدمعة فضلت عنوان وجود .............
وسط خفافيش الازمان ...............
ولسة بتقولوا جواها انسان ..........
.اقتل فينا كمان وكمان .............
مش هنخاف من ارهابي جبان

فرقة وغربة

ليه قاسمين الصورة اتنين ............
هو الدم بقي بروحين ...........
والاحزان لها لون واتنين ...........
واللي بيهتف باسمي امين ...........
واللي بيحطم بلدي لعين ...............
انا مش فاهم مين مع مين .............
حتي التضحية مش لاقين ..........
فرقة وغربة في وطن حزين ............
والهموم دقة انين ..........................
والدموع في كل عين .....................
اصرخ يالله في كل جبان ...................
شايل كفن كام انسان .....................
خلي الارض الخضرة عيدان ...........
لحن صوت غدر الازمان ..............

عيدية

هاعيد عليكم ببسمة جميلة ..............
والبسكوتة في بؤك ياتوتة ...........
احلي فرحة وسط العيلة ............
تركب مرجيحة ..............
وتلف الساحة ...............
تاخد عيدية تفرح شوية ..........
ارجع طفلة وكمان شقية .............
امسك طرف الجلابية ................
واقول الو فين العيدية ..............
 انا عايزة بالونة هدية ............
يالله بقي هاتوا النقدية ................
وافرحو ا حبة ..............
دا الضحكة شابة ..............
محتاجة منكم تضحية ..............

الفرحة جوانا

شوفت الفرحة جوانا ............
لما جيشنا نادانا ...........
قال ياشعب محتاجلك .............
يالله الهمة معانا ................
صحي الناس النايمة ...............
قولهم مصر قايمة ..............
وعن الهموم هتبقي صايمة ............
واللي يعادينا بارانا ............
جسد بكرة بروح واحدة ...........
ارسم ضحكة متحدة ...............
واسمع اغاني الحانا ..................
علي اوتار اللمة كنا ..........
صورة فيها محمد وحنا ..............
مش وشوش سارقة دفانا ..............
شوفت الفرحة جوانا ..............
لما قربنا خطاوينا ..................
وبدعوة حلوة سوا جينا .........
ترجمنا الحب بمعانينا ............
وعشنا  في لمة اهالينا .................
وشفت الفرحة جوانا .................

صابع طباشر

صابع طباشير .........
مصنوع من جير ...........
بيفكرني بحلمي الصغير ...........
بيفكرني بمدرستي ..............
وشخابيطي في كراستي .............
والضحك من غير تكشير............
والفسحة لما بتجي ...............
ابقي من الفرحة هطير .............
تلعب وتغمي عنينا .............
والامل يطرح بينا ...............
ومفيش اسرار في بير ...............
والوقفة علي السبورة ..............
والبشورة المشهورة ...............
وكمان درس التحضير . ...............
صابع طباشير ................
خلاني اغير ...................
واتمني ارجع طفل صغير ...............
صابع طباشير....................