مين صاحب مين يابلدنا ....
مين خلي الهم يسكن بيتنا ...
مين خلي القسوة تحصد طبيتنا ....
مين خلي الدمعة سجنت ضحكتنا ...
مين خلي في بكرة حيرة تموتنا ........
ومين صاحب مين يابلدنا .........
اللي في اوصافنا ..........
ولا اللي نسف احلامنا .........
واللي اللي تربي في احضانا ........
ولما اشتد عودوه نكرنا .....
وميل علي جارنا .....
ولعن فينا وكسرنا ........
وسبنا لمرارنا .........
وياريتنا ما كبرنا .....
غيرنا حصد ثمرنا .......
والوجع دار في مدارنا ......
ومين صاحب مين يابلدنا ......
الشمس مغربة وساكتة ......
والنور قاطع من الحتة ....
وبكلام معسول اتثبتنا ........
متقوليش لحد علي خبيتنا ........
صدقنا الكل بسذاجتنا .......
وغيروا في شكل سحنتنا .......
ومين صاحب مين يابلدنا ....
هتقولي دي جايز حدوتة .......
من الغدر بقت ملتوتة ......
هقولك لا دي قصتنا .....
وفيها الخوف حجتنا ......
ومين صاحب مين يابلدنا .......
مصر ملك مين ...
مش ملك كل واحد لعين ....
قال للكرسي امين ........
وقدم ايدين ناعمين ........
واتغطي بجلد التعابين ......
وقطع فيها بالسكين ........
مصر ملك مين .....
مش ملك اللي راح ولا المساجين ...
ولا اللي خلها فيها الانين ......
ولا خلي راسنا في الطين .......
ولا اللي خلي ولادها شياطين ......
مصر ملك مين..........
دي وطن مكتوب علي الجبين ...
وفي نبت السنيين .......
وفيه امل شارد حزين ......
وفيه لعبة الملاعين ..........
ومصر ملك مين ........
انا ولا انت ولا هو ولا مين .......
كلكم بتقسموها زي ماانتم عايزين ......
كلكم بتحطمهوا وبتخربوا الميادين .......
حد فيكم سأل نفسه حقها فين ......
كلكم بتعتبوها مع انها شايفة كل واحد فينا امين .........
كلكم حرمتوها من بسمة في يوم حزين ..........
كلكم وزعتوها زي ما تكونوا مجانين .........
كلكم خرصتوها واصبحتم بلسانها متحدثين ......
كلكم سجنتوها وبقيتم قاسيين .........
كلكم نسيتوها وبقيتم ناس تانيين ..........
حد عارف هي ملك مين ..........
اكيد كلكم عارفين .......
كله في بلدنا سياسي عظيم ..........
ولرأي غيره شغااااااااااال تحريم ...
وعامل فيها سيادة الزعيم ........
وهو الوحيد اللي فهيم .....
مع ان ربك بالسر عليم ....
وخلق لينا عقل سليم ......
وكله في بلدنا سياسي عظيم ......
وتقسمنا ميت تقسيم .......
وكل واحد له تنظيم ....
لتبقي معايا لتبقي لئيم ....
وخلي عشتك زي الجحيم ......
وكله في بلدنا سياسي عظيم ....
وماشي علي الخط المستقيم .....
من غير س او جيم ........
الكل عايش في الافلام ......
والتاني بيقدمه له سلام.........
ما هي المصلحة حطة اللجام ......
وكلنا في دايرة الانتقام ............
ومفيش قانون غير الاعدام ........
وكل حاجة فيها تعتيم .......
وكله في بلدنا سياسي عظيم ........
محتاج ابدا تاني التعليم ......
او اخد خطوة تقديم .......
علشان اصحح كل المفاهيم ......
وكله في بلدنا سياسي عظيم ....
ونام عم غلباوي .......
وحلم انه تايه في الصحراوي ...
ومعاه حماره الحصاوي ....
ومش لاقي مكان للقهاوي ...
وقام مفظوع وقال فطاري ..
شكلك قمتي بيه بدالي ......انا لقيت الحل يامراري ...
هجيب كمبيوتر محلاوي ...
يرفع من رقي افكاري ...
مالك كدة مسمرة قبالي ...
خلاص هو دا قراري ...
....وعم غلباوي .......
مصدومة ليه يا ام عيالي ...
قالت اشكيك لمين .......
ياسر انفعالي وضغطي وانكساري ...
عمالة احايل فيك وانت بتزيد شراري ....
دماغك مليانة بلاوي ..............
وعاملة زي القلة القناوي .........
وانا صابرة ومش لاقية حد يداوي ........
..........وعم غلباوي ...........
حاطط في ودانه سماعات ......
بيسمع اغنية فات الميعاد .........
وهي واقفة تهاتي بالساعات ..........
ومش عارفة ايه اخر الاهات .........
ماهو راجل من غير التزامات ..........
زي الامن وهو عنده انفلات .............
........وعم غلباوي .................
د
عم غلباوي......قاعد علي القهاوي ...
يسمع الحكاوي .....ويفتي الفتاوي .......
.......عم غلباوي .............
وام العيال ياحرام .........
حملها يهد جبال ......
اصله مش شغال ........
واخره يشد حبال .......
ويعيد نفس الموال ..........
.......وعم غلباوي ......
تقوله علي ايه ناوي ...
شكلك للحرام غاوي ...
طب هات اكل لعيالي ....
يقولها اخفي من قبالي ...
مش شايفة البلد يامراري ........
الكل فيها بيلالي .....
وانتي مشغولة بأحوالي ...
اه ياسوء اختياري ..........
انا كنت ملك زماني ......
ايه بس اللي رماني .....
عليكي ياسر احزاني ..........
.........وعم غلباوي ............
ياستي انا مش حاوي .........
سبيني اعيش مداري .......
وادخل دولاب افكاري ........
وانسي اللي جرالي ........
وخليكي في العراوي ....
وكفاية ياغباوة ايامي .......
.......وعم غلباوي...
يارئيس الجمهورية ......
مشكلتي مش قضية ...........
انا عايز الحرية ........
تكون ملك ايدية .....
مش مجرد ترقية .........
تاخدها وتيجي علية ....
خليك اد المسئولية ...
واقضي علي الامية .....
وخلي بلدنا هنية ...
وارفع عنها الاذية ...
وخلها بالضحك متحنية ...
يارئيس الجمهورية ...
خدنا شوية شوية ...
ورينا طلتك البهية ...
من غير كلام انشاء..
او شعارات رنانة ..
تتكلم علي الامانة ...
ومن جوة فاضية ...
عنوانها الخيانة ..
يارئيس الجمهورية ,,,,,,,
مشكلتي مش عويصة ....
ولا قلمي عايز لا بيسة ...
ولا بهيص في الهيصة ....
دي مجرد كلمة شقية ...
بتحسك علي الوطنية ...
وبتقولك صحي ضميرك ...
وقومه من تحت البطانية .......
يارئيس الجمهورية ...
قوم من النومة شوية ...
امشي ساعة الصبحية ..
شوف حال الرعية ....
وهما روحهم ابية ......
ضد الناس القوية ....
يارئيس الجمهورية .......
عايز ادخل المئوية ......
واقدم الف تحية .........
لكل روح فدائية .......
يارئيس الجمهورية ......
امتنا العربية مريضة بداء .....
لابسة المال رداء ........
والاخلاق هباء .......
والضمير من غير ولاء .....
ودايما عايشين وراء ........
امتنا العربية ..........
الدم فيها بقي مية ......
والصاهينة عملونا غية .........
ودنسواالقدس الابية ....
والعيون طبعا متغمية .........
امتنا العربية .........
عايشة في الظلام .........
وانداست بالاقدام .....
من شوية اقذام ........
قتلوا شبابنا ياحرام .......
خلوا ايامهم انتقام ........
بحجارة في ايد الغلام .......
بيجيب حقه الهمام ........
امتنا العربية ..............
همومها بقت زيادة ........
وبعدوا عن العبادة ........
وقائدهم حديث الولادة ........
بيتحكم من غير ارادة ...
وماشي من غير رخصة قيادة ....
وعلي طريق الحق تا تا .........
والبقاء لله في الريادة ........
ماهي امة ضاعت بوسام اجادة ..........
حد عنده اي افادة..........
وامتنا العربية .........
تمضي الايام بينا دون ان تدري ماالم بينا ...
تمضي تاركة وراءها احلامنا ........
دون ان تعلم بمن تعلقت ارواحنا .......
تمضي صامته وبداخلها اوجاعنا ......
او غدر اناس عشقوا جراحنا .....
وتمضي دون ان تبتسم لنا .....
دون ان تتسأل عن ذكريات همست بيها قلوبنا ......
فهي سريعة وخطواتنا تعوق اللحاق بيها ..
ونعيش سنوات في انتظارها .........
تاركة علامات استفهام حول بقائها ....
فهي تعلم اين طريقها ونحن نسير عكس اتجاها .....
وتمضي الايام بينا .........
وتطوي معها اعمارنا .......
وكل ما كان يحلو لنا ........
فلايبقي غير قصة نسجها لنا خيالنا ......
وسطرها القلم علي ورقات زمننا ......
وتمضي الايام بينا ........
حكم ضميرك .........
قبل ما تلوم علي غيرك ....
والكرسي لو دام مش هيجيلك ...
وانت كل يوم تطلع بمواويلك ...
وبحبة ناس ماشيين في ديلك ...
وبيهتفوا كتر الف خيرك ......
..........حكم ضميرك ........
والله يعينك من غير ماتاخد ديني سبيلك ...
كفاية كدة انا ضعت في ليلك .........
خليني احس بصدق تمثيلك .......
خليني كمان من قلبي ادعيلك ..
ومن غير مااحكي حكاوي تعيبك .......
..........حكم ضميرك .........
انا مش صغير محتاج تدليلك ....
انا فاهم قصدك وهجيلك ......
هعتبك والومك مش هسيب حقي في ايدك ..
وفكر شوية وحكم ضميرك ..........
دي مش نزهة ترفهية لسيدك .....
دي بلد محتاجة وريدك ......
ومحتاجة تحبها ودا تمن تأييدك .........
.........حكم ضميرك ........
يازهرة الصبار ........
قلوبنا ليه بتحتار ....
مش قادرة تاخد القرار ...
وصعب عليها الاختيار ...
يازهرة الصبار .......
دايما في انتظار ....
وقسوة ممكن ومرار ...
بس في اصرار ......
يرفض الانكسار ..
يازهرة الصبار ...
في شعلة امل في ايدي ..
سيبها تمد وريدي ...
وتكون من غير ستار ...
يازهرة الصبار ....
انثري عبير الازهار ...
وخلي الحب اقتدار ...
مش هرب ولا هزار ...
يازهرة الصبار ....
يابنتي بينك وبين الحب سور ...
واللي يعوزك هيدق بابك في النور ...
مش بكلمة واحدة تمضي حضور ...
دا انصيبك انكتب من قبل مااتتولدي بعصور ...
واوعي تقولي قطار العمر بيمر مرور .......
وانا اقعدة اتفرج من غير حتي مااثور .......
كل الناس بتتحرك وانا مستنية الدور ......
طب مين رزق العصفور ...وخلها يطير ويدور ...
وهودا سر السرور .....وربك عالم المستور ...
وبطاعته تعيشي في قصور ..........
وتبقي زي بنات الحور ..........
ومتخافيش مش هتقفي طابور ....
ويابنتي بينك وبين الحب سور .......
لية فيكي يابلدي .........لية فيكي .........
لية فيكي اهلي وناسي .....لية فيكي ......
لية فيكي امس وبكرة .....لية فيكي ...
لية فيكي عمري اللي باقي ......لية فيكي ...
لية فيكي صوت الامل اللي بيحلم يجيكي ...
................لية فيكي ...................
لية فيكي همسي بأسمك ........لية فيكي .....
لية فيكي براءة حلمي اللي ماليكي .....
...........لية فيكي ...........
وبروحي افديكي .....ولية فيكي ........
ولو باعوا حبي ليكي .........
انا برده شاريكي ..........لية فيكي .......
ولو بعدوني عنك ...مش هسيبك دا انا روحي فيكي ......
...............لية فيكي ......................
الله في عونك يابلد ......
بقيتي من غير سند .....
وضاع فلذات الكبد ....
والله في عونك يابلد ...
اللي بيحميكي سكت ...
وخلي الحرامي فلت ...
وكتب علي الجبين اتفقد ...
وللشر قال مدد ..........
الله في عونك يابلد .....
الكل فيكي اتهان .......
وعليكي برده هان ......
ومش لاقي فيكي الامان ...
والضحكة كانت زمان ...
وماكنشي في جلد ........
الله في عونك يابلد .....
الخوف فيكي اتولد ......
والقسوة شوكها اتوجد ....
وقلمي معاكي شرد ...
وبسجن الوحدة انفرد ......
الله في عونك يابلد .....
