مجلس الشعب طلع هباب ..
واختيار الرئيس عذاب ...
وكل حاجة بقت ضباب ..
خايفة كمان امضي غياب...
جالي اكتئاب من الانتخاب ..
فتحت لكل واحد دفتر حساب ..
وقولت اما دور علي الاسباب ..
اتاريهم داخلين اكتتاب ..
ومصالح تعملها دولاب .....
جالي اكتئاب من الانتخاب ...
كل واحد عمال يسألني ...
مين رئيسي اللي مستني يبهدلني ..
زي غيره مااقعد وظلمني ....
وخلي الدموع تنزل مني .........
جالي اكتئاب من الانتخاب ....
كل يوم سؤال علي الباب ..
والجواب داخل فصول الكتاب ..
شكلي عايز رئيس انتداب ..
جالي اكتئاب من الانتخاب ..
خايفة تبقي شهادة رسوب ..
علشان حلينا بالمقلوب ..
بس مين عارف المكتوب ..
والانتظار قرب يدوب ..
جالي اكتئاب من الانتخاب ...
مبدعة يا هبة والله يا بنتى كلنا جالنا اكتئاب واﻻمل جوانا بيموت بالبطئ
ردحذفالسلام عليكم
ردحذفلا اكتئاب و لا حاجة روقي كدا يا هبه :) ... إن شاء الله نقدر نختار من يستحق ... علينا بالدعاء و تحري الحقيقة و ربنا ينور بصيرتنا إن شاء الله
وعليكم السلام ورحمة الله وبركاته ........يارب ياريهام عايزين افعال وليس اقوال ........اتخنقنا من لعب العيال
ردحذفالله يخليكي يااماني علي ذوقك وكرم اخلاقك وبتمني الهم يزول ...ونقدر نختار
ردحذفرائعة
ردحذفولكن دعينا نتفائل
ونتركه يفعل الافاعيل فــ حياتنا
الى مزيد من التقدم حبيبتى